غير مصنف

ورقه في عرض البحر مكتوب عليها انقذوني

( ورقه في عرض البحر مكتوب عليها انقذوني ) هكذا كتبت آيه أول خاطره لها علي حسابها منذ فتره طويله ولم يكد يمر وقت طويل حتي جاءت لها رساله من صديقتها نهي .
نهي/ ايه يابت مالك ؟
آيه / ايه مالي ؟
نهي/ ايه البوست اللي أنتي حطاه دا ؟
آيه/ لا أبداً جمله عجبتني ف حطيتها .
نهي / لا شكل في حاجه من أمتي بتخبي عني حاجه يعني ؟
آيه / مش كدا والله عادي بس مخنوقه شويه .
نهي/ طب ما تيجي نخرج شويه ؟
آيه / لأ يابنتي الوقت متأخر خليها بكره أحسن .
نهي / أتأخر فين يلا بس خليكي تفكي شويه .
آيه / قولتلك خليها بكره أنتي عايزه الناس تقول علينا ايه ؟
نهي / يادي الناس بالراحه كدا هي الناس دي هتفيدنا بإيه ؟ ولا هي الناس دي هتنفعنا بحاجه ؟ حبيبتي أنتي لو حصلك حاجه محدش من الناس دي هتنفعك بس هيقفوا يتفرجوا عليكي أخرهم بوست يتحط ع الفيس وخلصنا ، حبيبتي إحنا عايشين ف مجتمع مزيف أصلا طالما مش بنعمل حاجه غلط هنخاف من ايه ؟
آيه / تمام بس رسولك قال ( اتقوا شر الشبهات ) عارفه لما تكوني ماشيه مسافه طويله أوي وجيتي تعبتي وقررتي إنك تقفي ترتاحي وجيتي وقفتي عند محل بيبيع خمره مثلاً الناس هتقول عنك ايه ؟ هتقول نفسها فيها ولا أيه ؟ هل الناس دي عارفه إنك تعبتي ؟ كل اللي هيجي ف دماغهم أنتي ليه واقفه عند المحل دا ؟
نهي / حبيبتي أنا ربنا هو اللي يحاسبني علي نيتي .
آيه / بالظبط ربك بيحاسب علي النيه إنما الناس لا هما بس ليهم بالظاهر مدخلوش جوا قلبك علشان يعرفوا نيتك .
نهي / يعني الناس هتحاسبني علشان واقفه ارتاح ؟
آيه / الناس هتحاسبك علشان المكان اللي واقفه فيه والغلط هيبقي عليكي علي فكره .
نهي / ازاي الغلط عليا ؟
آيه / لإنك وقت ما حبيتي ترتاحي وقفتي في المكان الغلط يا كنتي وقفتي قبلها يا استحملتي شويه ووقفتي بعدها لكن مكنتيش تقفي هنا .
نهي / مش هخلص من كلامك عموماً براحتك بقي .
آيه / طيب ماشي .
أغلقت ايه حسابها وتجاهلت حوار نهي وجلست تحدث نفسها / ربنا يهديها بجد .. بس يمكن يكون بعض كلامها صح فعلا مجتمع بيزيف الحقائق ويصدقها مجتمع بيكدب بكل صدق ويخون بكل بأخلاص .
ولم تمر لحظات حتي رن هاتفها وأمسكت به أذ تجد صديقتها يهدين .
آيه / آلو..
يهدين / عامله ايه ؟
آيه / الحمد لله تمام .
يهدين / طب ايه البوست اللي شوفته دا ؟
آيه / عادي هي شوية خنقه وهتفك .
يهدين / مش هتفك ع فكره طول م انتي ف الحاله دي.
آيه / يعني أعمل ايه بس ؟
يهدين / متشكيش همك لبشر اشكيها لربنا وبس صدقيني الشكوي لغير الله مذله .
آيه/ ونعمه بالله ..صح والله
يهدين / عاوزه خنقتك تفك قومي صلي ركعتين مع شوية قرآن هتبقي زي الفل .
آيه / هقوم يا حبيبتي بجد شكرا ليكي .
يهدين / احنا أخوات متقوليش كدا .
أغلقت أيه الهاتف وعقلها يدور ويبحث عن الفرق بين نهي ويهدين في ذلك الوقت دخلت والدتها عليها وهي جالسه تحدث نفسها .
الأم/ مالك يا حبيبتي سرحانه في ايه ؟
آيه / بفكر ف صحابي والفرق بينهم .
الأم / طب أحكي يلا ايه اللي حصل ؟
آيه / متضايقه شويه نهي كلمتني الأول وكان إقتراحها أننا نخرج دلوقتي بعدها علي طول يهدين كلمتني وكان إقتراحها أروح أشكي لربنا واقعد معاه.
الام / سبحان الله ع الناس مش كلهم زي بعض ومش هتلاقي كل أصحابك بيحبوكي فعلا ومش كلهم عاوزينك كويسه أنتي بدورك تعرفي بقي مين الكويسه ومين الوحشه وتبعدي عن الوحشه تماماً.
آيه / طيب يا ماما ما الوحشه دي ممكن نبقي أصحاب عادي بس هي ليها مبادئها وانا بيا مبادئي .
الأم/ لا يا بنتي المبادئ مببتجرأش ومكانوش قالوا الصحاب ساحب ، الناس لما تشوفك مصحابه واحده مش كويسه هتقول عنك ايه ؟
آيه / مش كويسه زيها آكيد .
الأم / طب م أنتي رديتي علي نفسك أهو .. الكويسه قدامك والمش كويسه قدامك بردو شوفي أنتي عاوزه تصاحبي مين بس أفتكري إن الرسول قال ( المرء علي دين خليله فلينظر أحدكم من يخالل ) دلوقتي كفايه تفكير وروحي نامي .
آيه / ماشي تصبحي علي خير .
خرجت الأم من غرفة آيه حيث ألقت بنفسها علي فراشها وقالت لنفسها / الواحد انهارده اخد كمية مواعظ مفيش زيها والله .
بقلم / رحمه اسامه
R – O

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock