غير مصنفمقالات

نشرة اخبار من كلمات عمار

                                            نشرة اخبار من كلمات عمار

كتبت / امل اللقانى
عمار شلبى  شاب سيناوى , يعمل مخرج مسرحى
عمار  كتب نشرة اخبار ولكنها مختلفه , مختلفه جدا عن اى نشرة سمعناها قبل كده
اليكم نشرة اخبار  عماربسمع كل يوم خبر عن حادثه كارثه وانفجار , ولفظ ســـينا واجب يكون قتل دمار دم ودمار
واللى يشجب واللى يهتف واللى خلى الحلقه نــــار , سينا عايشه حرب شرسه واجب نزيل منها العمار
واللى يقولك انتحار او هجوم على كمين , واللى يشتم فى بلدنا ولولادنا يسب دين
واللى حالف ياخدلى تاره , واللى جايب عندليب
واللى يحكى دولا خونه باعو سينا للغريب
واللى صوته تملى طالع ويناشدلى فى الرئيس ,, بيدواااا سينا ولعوها … اصل فيها كام خسيس
ذودوا الحظر عليهم واقفلوا كل المنافذ , دول حيالا مش كتير اللى رافض باللى عايز واللى يرصد فى الحصاد كام عقال وجلابيه ؛؛ دا بدو سينا مش غلابه دول جماعه ارهابيه
كام جمل على نخلتين  ومعزه تايهه فى الطريق والصفار مالى الشاشات ,,
هى صحرا وكام زوقيق ,, واد وبنت ع اليمين … والشوارع فاضيه ناس .. والبازوكه ع التويوتا ,, دول دواعش او حماس
ونسيوا اننا حصن الأمان وقت الشده كنت تلاقينا ؛؛ يوم ما قولنا يلا بينا رفعنا السارى وسط سينـــا
ولــــما مـــات منـــــا البطــــل
عادينا كل من اذاه , وفرحه كان ملهوش ضيوف ــــــــ اصلنا واخدين عزاه
عمرو شكرى دا يبقى اخويا … ودمه مش ممكن يروح
والسحيلى مات بطل ,, دم مؤمن عطره يفوح .
كل شهيد فى بلادنا حى ــــــــ دا ربى قال عنده يعيش ؛؛ جنته فرحانه بيه حتى اسألوا صاحبى جاويش … بالشهاده مات بطل تفتخر بيه العريش
بنفتخر
بنفتخر بيهم جميعا ( مدنى , شرطه , جيش )
الشاشه تعرض من مزاجها والضحيه احنا
الضحيه شعب سينا ياما أست
ياما شوفنا من زمان ومحطوط علينا ,,
لو نسيتوا ــــــ قلبوا فى كتب المعارف شوفوا مين ضيع بلادنا ,, شوفوا مين موت ولادنا
شوفوا مين دمر حقوقنا ,,, وشوفوا مين فيكوا اللى شارك نشرة الاخبار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock