غير مصنفمقالات

انا سيناء

       كتبت / امل اللقانى
                             
بقالى كام يوم ومن يوم حادث مقتل سواقين النقل على طريق الحسنه وانا بحاول اكتب ومش عارفه … الكلام تايه منى .. مش عارفه اكتب ايه ولا ابدأ منين
لقيت نفسي تعبت .. تعبت جدا من كتر التفكير فى الحال اللى وصلنا اليه
غمضت عينى وشوفت سينا بتبكى … قولتلها سينا حبيبتى انتى بتبكى ؟؟
قالتلى اه لانى تعبت .. ايوه تعبت .. تعبت من كتر الدم اللى بقا اساس لرواء رملى .. تعبت وانا كل يوم بودع شهيد واقف على ارضى .. تعبت من كتر الأهمال والأذى  , وانتهاك حقى
قولتلها اهدى يا حبيبتى دا انتى بتجرى فى دمى ..
قالتلى شايفه حالى ؟؟؟ الكل ظالمنى
انتى ساكته ليه قوليلهم بقا عنى
قولتلها حاضر حبيبتى هقول بس انتى هنا استنى .. قالت مش قبل ما تنصفى وتقولى للى ظالمنى انى انا سيناء
مدبوحه والكل جاهلنى .. بيقولوا عنى انى وكر للى كارهينى ..
قولتلها كفكفى دموعك حبيبتى واسمعى بقا منى ..
انتى يا سينا بتجرى فى دمى .
قالتلى حاضر بس مش قبل ما تقولى الى تعرفيه عنى ..
قولتلها انتى سينا الى تاريخك حافل بالامجاد والبطولات …
انتى بوابة بوابة مصر الشرقيه وحصنها فى مواجهة المخاطر ..
 على ارضك دارت اشهر المعارك
وعبر دروبك 15 جيشا من كل امم الأرض
قالتلى انتى كده بدأتى تتطمنينى .. قولتلها اصبرى حبيبتى ومتقاطعينيش
انتى حبيبتى اسمك كنايه عن القمر لما قدماء المصريين اطلقوا عليكى اسم الاله ( سين )
من الفيروز حبيبتى اتاخد صفاتك .. وفيكى اتشقت قناة السويس اللى هى اهم ممر مائى فى العالم .
انتى ارض الأنبياء والديانات السماويه بدءا من الخليل ابراهيم عليه السلام اللى عاش فيكى وموسى عليه اللى اقام بيكى
انتى حبيبتى مصدر لمناجم النحاس والفيروز والزبرجد .
بتتمتعى بخبرة كبيره فى مجال الطب والاعشاب الى بتنمو فى ارضك
حبيبتى يا سينا مهما قولت مش هعرف اوصفك مش هينصفنى قمى فى كتاباتى عنك
لكن انتى حبيبتى القلب والروح
ومن غيرك اكيد هنموت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock