تحقيقاتمحافظات

مرتضى يتحدى تأجيل الدراسه عبر تطبيق ” الواتساب “

تعجز الحروف عن التعبير وتتوه الكلمات على السطور عندما يسألنى شخص عن فضل المعلم، فما من عبارات مدح ولا قصائد شكر تفى حق هذا الشخص الذى كرس اغلب وقته لينقل طلابه وطالباته من ظلمة الجهل الى نور العلم، المعلم الذى يزرع القيم والاخلاق وحب الخير لأولادنا بداية” من عمر الزهور، وقد حرص الدين الإسلامى العظيم على اظهار اهمية المعلم ودوره فى المجتمع، وحث ديننا الحنيف على طلب العلم ولو فى اخر بقاع الدنيا

حوار / امل اللقانى

فى حوارى هذا حث المعلم الطلبه والطالبات على طلب العلم ولو ع الواتس
مدرس القانون الذى تحدى تأجيل الدراسه حرصآ منه على مستقبل هؤلاء الطلبه

فى بداية الحوار نتشرف بالأسم حسب البطاقة الشخصيه لسيادتكم /
— احمد مرتضى البنا
— استاذ احمد حضرتك مدرس فى المدرسه الثانويه التجاريه بالعريش ؟؟
— ايوه يا فندم انا معلم اول المواد القانونيه بمدرسة العريش التجاريه، خريح كلية الحقوق جامعة الزقازيق دفعة 2005 .
— تشرفنا بحضرتك يا فندم
— شكرآ يا استاذه
— استاذ احمد حضرتك يوم 14 فبراير الجارى كتبت منشور على صفحتك الشخصيه على الفيس بوك تدعو الطلبه والطالبات على انشاء جروب عبر تطبيق الواتس اب ، لشرح المنهج عبر الرسائل الصوتيه


— ايوه يا فندم حصل، وقمت بالفعل بانشاء الجروب  ، هما جروبين واحد للبنات والتانى للأولاد ، وزى ما حضرتك شايفه الدراسه متأجله فى شمال سيناء لأجل غير مسمى لدواع امنيه ودول طلبة صف ثالث يعنى اليوم الواحد هيفرق معاهم وهما اولى بكل ساعة شرح، وانا من ناحيتى ساعدت باللي اقدر عليه خصوصآ اننا نعتبر فى حالة حرب.
— فعلآ صدقت استاذ احمد وصدق المثل اللي بيقول فى الشدائد تظهر معادن الرجال.
— مبتسما اشكرك يا استاذه.
— طيب حضرتك بتشرح لهم المنهج ازاى ؟؟

— انا بشرح المنهج عن طريق رسايل الفويس يعنى بسجل الشرح بصوتى وببعته عبر تطبيق الواتس اب وبخصص يوم مفتوح أسئلة واجاباتها ودي بتتم عن طريق الشرح بالرسايل العاديه، والحمد لله قدرت اوصل المعلومه للطلبه وكأننا فى الكلاس بالظبط
— بصراحه مش عارفه اقول لحضرتك ايه ، حضرتك نموذج مشرف فعلا
—- اشكرك يا استاذه، دول اولادنا واخواتنا وده واجب عليا ولازم نقف جنبهم حتى اجتياز المحنه التى تمر بها سيناء الان، سائلين المولى ان يفك كرب تلك الأرض المباركه.
اللهم امين
فى نهاية حوارى اتقدم لسيادتكم بخالص الشكر والتقدير لشخصكم العظيم وكتر الله من امثالك
— تسلمى يا استاذه ودمتم سالمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock