أخبار عربيةتحقيقاتمحافظات

“الامبراطور” نموذج مشرف من تجار العريش

“الامبراطور” نموذج مشرف من تجار العريش

حوار / امل اللقانى

لقد أوجب الله سبحانه وتعالى على عباده أن يأكلوا الطيبات من الرزق، وأن يلبسوا من الحلال ويتصدقوا من الحلال؛ لأن الله طيب لا يقبل إلا طيباً، فقد حكم الله سبحانه وتعالى على كل جسد نبت من الحرام بالنار، كما وجعل وجوه الرزق كثيرة في الدنيا منها الحلال الطيب 
ومنها الخبيث الحرام
وقد أباح الإسلام للتاجر أن يربح، ولم يجعل للربح حداً، بشرط أن يبتعد التاجر عن الاحتكار والاستغلال والغشِّ، كما يجب على التاجر أن يبتعد عن احتكاره لبعض السلع، واستغلال حاجة الناس للطّعام والشّراب وغير ذلك؛ لأن ذلك يتنافى مع تعاليم ديننا الإسلامي الحنيف الذي يحث على مساعدة الفقراء والمحتاجين، كما جاء في الحديث أن رسول الله – صلى الله عليه وسلم – قال: «من نفَّس عن مؤمن كربة من كرب الدنيا نفَّس الله عنه كربة من كرب يوم القيامة»
اليوم ونحن هنا فى محافظة شمال سيناء، حيث الحرب على الارهاب والعمليه الشامله ” سيناء 2018 “
رأينا باعيننا الكثير من الأستغلال من قبل بعض التجار
كذيادة مبالغ فيها فى الأسعار ونظام الشنطة الكامله التى تجبر المستهلك على شراءها كما هى ،
ولكن دوما نجد الكثير من الشرفاء الذين يأبون الظلم والجشع ويرحمون الضعفاء خاصة فى تلك الظروف الصعيبه،
الاستاذ /  رمضان تاجر من تجار العريش ،
رفض الاستغلال والربح الحرام وابى ان يطعم صغاره من حاجة الناس
تلك كانت كلماته فى حوارى معه
…. فى بداية الحوار نتشرف باسم سيادتكم
__ اسمى / رمضان سيد عبد الله
…. اهلا بحضرتك استاذ رمضان ، انا ملاحظة ان محل حضرتك مكتوب عليه لتجارة الجمله وبالرغم من كده المحل يعتبر فاضى
__ ايوه المحل جمله ولكن حضرتك عارفه اننا ظل العملية العسكريه اصبح بصعوبة الحصول على كميات كبيرة من السلع مقارنه بالاوضاع قبل بدء العملية

…. طيب حضرتك اكيد بتعمل تنسيق زى باقى التجار لدخول البضايع !!
__ ايوه طبعا وبسلم السجل التجارى الخاص بالمحل لتاجر جملة الجملة ومع الاسف زى حضرتك ما قولتى كله عاوز يتغنى على حساب المواطن الغلبان
ازاى حضرتك ؟؟
__  اقول لحضرتك / مثلا محل المواد الغذائيه اللى بيجيب تريلات محملة بالبضايع المفروض انى كـ تاجر جملة باخد منه باسعار اقل من السوق
… تمام
__  الاقيه بقا بيزود السعر طيب هو يزود السعر وانا ازود يبقى حرام ولا حلال ، ف بضطر انى ارفض البضايع اللى باغلى من السعر المحدد
وتوجهت للغرفه التجاريه ومباحث التموين وحررت محضرا فى تلك التاجر

الحمد لله انا عملت اللى يرضى ضميرى ومحاولتش احتكر اى سلعه، بل بالعكس كنت ببيع بسعر الجمله وحاولت اساعد باللى اقدر عليه واول ما بجيب البضايع فى وقتها بتتوزع على تجار التجزئه وبتنزل السوق فوراٌ .
… طيب حضرتك شايف ان بعض التجار باعوا باسعار عاليه جدا وحققوا ارباحا طائله ، بما تصف هؤلاء التجار ؟؟

__ اولا ربنا مش هيبارك لهم ، كفايه ان اللى بياخد البضاعه بيكون شاريها وهو مضطر وفى نفسه  يردد حسبى الله ونعم الوكيل ، وتلك الكلمه ليست بهينه ، ثانيا هما فعلا الناس وصفتهم بابشع وصف وهو ” تجار الحرب ”

… حضرتك كتاجر تفتكر ازاى ممكن نقضى على جشع التجار ؟؟
__ لازم الناس هى اللى ترد جشعهم
.. ازاى حضرتك ؟؟
بانها ترفض الاستغلال ومتشتريش حاجه باغلى من سعرها الاصلى
ولعلم حضرتك اغلب السلع دلوقت مكتوب عليها سعرها، يعنى المفروض محدش يشترى اغلى من السعر المدون على العبوه، ولا تنسى دور” التموين ” ينزل ويفتش ع المحلات ولازم يكون فى عقاب شديد ، لان مع الاسف الكتير مش بيخاف غير بعينه
… كلام حضرتك صحيح بس اوقات كتير الناس بتبقى مضطره وتقول كويس ان السلع موجوده وخلاص وانا سمعت الكلمه دى من واحده قبل كده
__ دا اللى قولت لحضرتك عليه لازم نرفض الاستغلال ويكون جوابنا قاطع وبكده نقدر ناخد حقنا ونرد الجشع والاستغلال
فعلا كلام حضرتك صح جدا

فى نهاية حوارى احب اتوجه بخالص الشكر والاحترام لسيادتكم
ودمتم سالمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock