محافظاتمقالات

مشكلة إخلاء الشريط الحدودى برفح وتعويض المواطنين

مشكلة إخلاء الشريط الحدودى برفح وتعويض المواطنين

شمال سيناء .. امل اللقانى

استاذ صلاح صقر عبر صفحته الشخصية على موقع التواصل الاجتماعى فيس بوك
يسرد مشكلة اهالى رفح فى كلمات كالاتى

فى 2013 اتخذت القوات المسلحة قرار باخلاء الشريط الحدودى فى رفح المصرية بعمق 5 كيلو متر وبطول الشريط الحدود مع قطاع غزة لدواعى أمنية .. لم يعترض أحد .. وبعد اكثر من اجتماع تم التوافق وتشكيل لجنة أنتهت الى تعويض الاهالى بواقع 1200 جنيه لكل متر (مبانى) يتم ازالته .. ولم تتضح الرؤية بخصوص الاراضى الزراعية أو وقد تكون هناك رؤية وكثير من المواطنين لايعلمون عنها شئ !

( الكلام دا كان فى سنة 2013 )

ولتسهيل العمل .. تم تقسيم ال 5 كيلو المراد اخلاءها الى 4 مراحل للتنفيذ .. تم حتى الان الانتهاء من الثلاث مراحل الاولى منها .. أما المرحلة الرابعة والتى تشمل حى الصفا وما حوله فقد تم تقسيمها للكثافة المرتفعة بها لثلاث مراحل فرعية هى ( أ ب ج )

سكان المرحلة الرابعة الحالية (أ ب ج) يستغيثون ..

#اولا : لم يتم توفير سيارات لنقل مستلزمات منازلهم التى تم اخلاءها فى ظل الوضع الصعب للحركة برفح والشيخ زويد والعريش نتيجة العمليات العسكرية الحالية ومنع البنزين ومنع حركة السيارات للمواطنين .

#ثانيا : لم يتم توفير بدل نقل عفش لهم مع ارتفاع الاسعار ايجار السيارات بالمنطقة واستغلال سائقى السيارات للوضع بأسعار وشكل تعجيزى اضطروا لقبوله لعدم وجود بديل آخر .

#ثالثا : لم يحصل المواطنين على أى تعويضاتهم حتى الان بالرغم من ازالة منازلهم واخلاءها بشكل تام .

#رابعا : ليس لدي كثير من مواطنى هذه المرحلة أى مصادر للدخل تعينهم على ظروف الحياة الصعبة من ارتفاع اسعار ايجارات العقارات ومستلزمات المعيشة .

#خامسا ..لايعرف المواطنين أى شئ عن مزارعهم الخاصة برفح .. ولا عن طريقة تعويضهم عن خسارتها .. ولا عن طريقة تقييم هذه المزارع .

#سادسا : لايعرف المواطنين مع من يتحدثون .. وكل حواراتهم مع رئيس مدينة رفح يكون الرد مفاده جملة واحدة مضمونها .. “ربنا يسهل والتعويضات قريبا جدا “

#سابعا : كيف يعقل أن تعوض الدولة وبسرعة اهالى المرحلة الاولى واغلبهم عملوا فى الانفاق بالدولار والشيكل عن منازلهم ومزارعهم التى قاموا باخلاءها وتترك المواطنين الغلابة اللى ظروفهم صعبة بدون اى تعويض او اهتمام او رعاية ؟؟!!

#ثامنا .. كيف يعقل أن يتم تعويض الاهالى عام 2018 على اساس متر الارض مبانى وتشطيب 1200 جنيه بنفس قيمة تعويض اهالى المرحلة الاولى وبأسعار عام 2013..

لو حسبناها بالدولار سنجد انه عام 2013 كان سعر الدولار 8 جنيه وارتفع فى عام 2018 الى 18 جنيه ؟؟؟

ولو حسبناها بسعر الحديد اللى الناس استخدمته فى بناء منازلهم التى تم ازالتها .. سنجد انه فى 2013 كان سعر الطن 4000 جنيه وارتفعوا الى 12 الف جنيه للطن عام 2018 اى ما يقارب الى 3 اضعاف السعر القديم .. اى ان قيمة التعويض انخفضت للثلث .

وانا بصراحة مستغرب :

– الناس ما اعترضتش وسمعت الكلام ونفذت المطلوب
– والفلوس موجودة ومتوفرة والموافقات جاهزة

((ليه نقرف الناس ونطلع روحهم ونخليهم يكرهوا نفسهم))

العملية بسيطة جدا يا سيادة المسئول .. فمعكم حصر بعدد المنازل ومساحاتها .. وبالتالى يصبح معكم اجمالى قيمة التعويضات المطلوب توفيرها مسبقا .. وقبل التنفيذ !!

(( ليه معطلين التعويضات واحنا داخلين على ايام مفترجة ))

(مش مكفيكم انهم سابوا بيوتهم ورايحين للمجهول بأرض الله)

من اسبوع نشرت بوست عن تهجير اهل سينا زمااان ايام حرب 1967 .. عشان الناس تعرف الفرق بين التهجير اللى تم زمان بسبب الحرب والتهحير اللى بيتم الان بسبب الحرب .. وازاى ان اهالى سينا اللى راحوا لمديرية التحرير زمااان كل واحد منهم أخد 5 فدادين وبيت مجهز ومليان اكل وشرب للاعاشة .. وكتير منهم كان بياخد معاش او بدل نقدى كل شهر ..

فى سنة 2018 .. الناس اللى حضروا تهجير 1967 .. وراحوا تانى لمديرية التحرير وشافوا الوضع هناك .. قالوا فى سرهم من غير ما يصرحوا بيه امام اولادهم .. ياريتنا ما رجعنا سينا .. لانه بدل ما الوضع فى التهجير يكون للاحسن اصبح للاسوأ .. لانه لو فيه نظام ورؤية واضحة بخصوص الناس دول .. ماكنش حد منهم اشتكى

يا كل المسئولين عن معاناة الناس حرام عليكم .. مش كدا خالص .. ليه بتبوظوا فرحة اللى بيتم لمكافحة الارهاب بحاجات صغيرة سهل جدا التغلب عليها ..

#مش_كدا_خالص

وللموضوع بقية مادام فى العمر بقية ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock