شعر شعبى

مـــــــــــــالك يــــــــــــــا نخل ستي

قصيدة للشــــاعر السينـــــاوى 

ســـــامح المسلمــــاني

مــــــــــالك يـــــــــــا نخل ستي …. ليه عجزت وليه شـــاخ جريدك
وليـــــــه مبقتش اشوفك بتتمــــــايل …. وليه مبقتش اشوف عناقيدك
كانت دايما مواعيدنـــــــا في شهر7 … ليه بس خلفت معايا مواعيدك
بقت جذوعــــــك ليــــــه زعــــلانه … وليه من الحزن بانت تجاعيدك
يا نخل ارقص واتمايل زي زمـــان …. وتعالى احضنك وهات ايدي في ايدك
خلينا يــــــــــا نخل ننسى الاحزان … ونسهر واربطلك الحزام على جيدك
تكونش حزنـــــــــان ع الفــــــــراق ….واللي سابوك نشفوا الدم في وريدك
واوعـــــــــاك يا نخل اشوفك بتبكي ….ولا اشوفك حزين في يوم عيدك
نفسي انســــــــــى صـــــوت الانين … وارجع اسمع غناك واناشيدك
ده انــــــا لسه فــــــــاكر ستي وردة …. لما بتعمل مشرتها في سراديبك
واروح اقضي معاها الاجـــــــــــازه … وامرح عندها واصحى على تناهيدك
واقولها يــــــا ستي مش لاقي فراش …. وتقولي يابني افـرش هرابيـــــــــــدك
واسألها انتي يــــــــا حاجه بتحبيني …. تبصلي وتقولي راح اجاوبك وافيدك
يابني اعز الولـــــد ولـــــد الولــــــد ….وبكرة تكبر وتجرب مع حفيدك
والصبح تزعق عليـــــــــــا وتقولي …. هات صاج الفطاير من عريشة سيدك
واتناول المطلاع من الجال الشرقي … وجمع زمايلك واجاويدك
وتعالى احكيلك حكـــــــــــاية نخلنا …. وخليها في خراريفك وتجاويدك
علشان هادي ايام مش هتتـــعوض ….. وتبقى تحكيها لأبنك وحفيدك
وربنـا يديلك طول العمر والصحة … ومن النعم ربي يزيدك
خليــــــــــــــك زي النخل ياولـدي … ترميه بالحجارة ويرميلك ثمرة تفيدك
وخليك نــــــافع لكل النــــــــــاس …. وللخير دايما تكون مادد ايدك
قبل ما يفوت الاوان يا ســــــامح …. ويجري بيك العمر وتخونك مواعيدك
وترجع تسأل النخل وتقوله مــــــــــالك يــــــــــا نخل ستي …..

ليه عجزت وليه شاخ جريدك ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock