غير مصنفقضايا

الفراغ

                                                   الفــــراغ

بقلم / رحمه اسامه

وكالعاده جلس محمود في شرفة غرفته المطله علي النيل يتأمله دون أي كلمه , يفكر فيما يصنع حيال مشاكله الكثيره ولكنه يهون علي نفسه بكل هذا عندما يمسك قلمه وأوراقه ويبدأ في الكتابه ” مش فاهم ايه اللي بيحصل معايا بالظبط ده ؟ كل مره كده ! علي أي حال مش هستسلم لأي شئ .. وعد ” ترك محمود الأوراق من يده وخرج من شرفته ذاهب الي غرفة جده الذي كان جالساً يصلي ظل محمود واقفاً حتي أنتهي جده من الصلاه ثم قال / تقبل الله يا حاج .
جده / منا ومنك يا حبيبي , ها خير لسا البحث مظبطش معاك ؟
محمود / لسا يا جدو والله , أدعيلي بس .
جده / بدعيلك يا حبيبي والله، قبّل محمود يد جده وقال / هدخل أنام أنا بقي عندي محاضرات الصبح بدري .
جده / ماشي يا حبيبي تصبح علي خير .
محمود / وأنت من أهل الخير .
غادر محمود غرفة جده ودخل غرفته ,, ألقي بنفسه علي فراشه وأغمض عينيه وقال / يارب بقي أنا تعبت خلاص . ثم فتح عينيه فجأه وقال / مش هتفرق كتير أصلاً أحنا في مصر . بعد ذلك أغمض عينيه وغط في نوم عميق .
وفي الصباح أستيقظ محمود وأستعد للذهاب الي جامعته , خرج محمود من غرفته ليجد جده جالساً في الخارج ويقول / ها يا دكتور رايح الجامعه دلوقتي ؟
اتجه محمود لعنده واعطاه قبله علي يده وقال / أيوه يا عيون الدكتور . جده / طيب مش هتفطر الأول ؟
محمود / لأ يا عبده معنديش وقت يادوب ألحق المحاضره بدري .. سلام . جده / ماشي يا عم سلام , أبقي حاول ترجع بدري مش هتغدي من غيرك .
محمود / عنيا . نزل محمود مسرعاً متجهاُ الي جامعته التي بمجرد أن وصل حتي أخبره صديقه أن العميد يريده في الحال .
ذهب محمود الي مكتب عميد الجامعه وقال / صباح الخير يا دكتور في حاجه ؟
العميد / أيوه في حاجه .
محمود / خير ان شاء الله ؟
العميد / مالك قلقان ليه ؟
محمود / لأ مش قلقان ولا حاجه عادي .
العميد / طيب يا سيدي علي العموم في قافله تبع الجامعه رايحه نيويورك وبما أنك من اكفأ الطلاب هنا فتم اختيارك لتكون في البعثه دي . ظهرت علي محمود علامات الدهشه والفرحه الشديده وقال / بجد يا دكتور ؟
العميد / هضحك عليك يعني ؟ّ!
ضحك محمود وقال / لا ابداً مش مصدق بجد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock