قضايامحافظات

استغاثة من السيد مدحت مجاهد للسيدة هالة زايد وزير الصحة من تعنت “مدير عام الصحة بشمال سيناء “

كتبت …. امل اللقانى

استغاثه مقدمه من السيد الاستاذ / مدحت صبحى مجاهد،
ويحمل رقم قومى / 26807261200073
ويعمل فنى اشعه بمستشفى العريش العام
شكواه كالتالى
اتقدم انا / مدحت صبحى مجاهد بشكواى ضد السيد / عربى محمد عبد العال، القائم بأعمال مدير عام الشئون الصحيه بشمال سيناء
حيث انه دائم الاضطهاد والتعنت لى بسبب نشرى لموضوع خاص بانقلاب سيارة تابعه للأداره الصحيه بالحسنه ( وسط سيناء )
ونشرت الموضوع بسلبياته وخصوصا ان بها اهداراً للمال العام
بداية لم يكن ببالى انه سيضطهدنى او يتخذ معى اى اجراء لا يليق
ولأننى لست من اهل سيناء ( مغترب )



تقدمت بأجازه 3 شهور اعتياديه تحتسب لى من الرصيد السابق وبالفعل صدر قرار الاجازه وسافرت الى بلدتى وبعد مضى 45 يوم ارسل الدكتور عربى اشارة لقطع الاجازه واستدعائى للعمل وتلك الاشاره ارسلها الى الادارة الصحيه بالحسنه ، والاداره لم تخطرنى بذلك على عنوانى
وبعد انتهاء ال 3 شهور عدت الى عملى بالاداره الصحيه بالحسنه فى يوم 30 / 8 / 2017
وفى ذلك اليوم الذى ذهبت فيه لاستلام العمل لم يكن موجود اى موظف بالادارة سوى الكاتبه فقط ومكنش فى ولا مكتب مفتوح فى الاداره
فقامت الكاتبه  بتسليمى العمل ،
وفى نفس اليوم اتى الدكتور عربى مع السيد خالد سيف مدير ادارة المتابعه ولقى الادارة مقفوله ومفيش حد غيرى انا والكاتبه سلم علينا وعيد علينا لأننا كنا قبل العيد بيومين ومشى
وفى 10 / 9 / 2017 ، حضر مدير الادارة الصحيه بالحسنه ولقيت قرار جزاء من شهر 5 وفى ذلك اليوم كنت موجود ومستلم جهاز اشعه من المديريه من السيد / خالد سيف وماضى على ذلك ، المهم قرار الجزاء كان بخصم اليوم الغياب ومجازاتى بخصم 3 ايام من المرتب
فتوجهت لمديرية الشئون الصحيه وقدمت تظلم للسيد / علاء انور والذى اجاب بقبول التظلم شكلاً ورفضه موضوعاً بدون تحقيق فى الاول او تحقيق فى التظلم

فى نفس اليوم جه مدير الادارة الصحيه  الصيدلى / احمد على ، وقاللى انت مش فى الشغل ليه ؟ قولتله سيادتك اللى مش فى الشغل انا موجود من يوم 30 / 8
راح السيد الدكتور عربى تانى يوم وطلعلى قرار ندب لمدينة بئر العبد لمدة عام

فتقدمت باجازة مرضيه وبعد انتهاء الاجازة وجدت مدير الادراة  عامل اخلاء اداى
وتوجهت لدكتور عربى وحاولت اكلمه فقاللى حرفيا .. روح نفذ القرار الاول
وبالفعل نفذت قرار الندب لبئر العبد واستلمت فى بئر العبد فترة من 30 / 10 حتى 10 / 12 / 2017
وطبعا العدد هناك كبير ومفيش شغل فطلبت الغاء الندب
وذهبت لدكتور / رمضان اسحق فى المديريه ودكتور رمضان طلب رأى الاشعه
كان رأى الاشعه  ان عدد الفنيين فى بئر العبد 42 فنى وفى نخل 10 فنيين فقط ، وطبعا اللى كتب رأى الاشعه ( اتجازى بسببى )
اخدت موافقه الجهتين وتم الغاء قرار الندب ونقلى الى مدينة نخل

وروحت نخل واستلمت فى نخل وبعد 12 يوم بعت دكتور / عربى اشارة باخلاء طرفى  اداريا بتاريخ اليوم
وتوجيهى الى مستشفى العريش العام
وكل ذلك بدون اى اسباب 
توجهت لمستشفى العريش العام واستلمت عملى
ولم يتركنى الدكتور عربى وشأنى الا انه طلب جواب رسمى بفترات العمل والراحة من وقت استلام العمل حتى الان، كل يوم يبعت حد يشوفنى موجود ولا لا
مش عارف بصراحه ليه كل ده ولا هو عاوز منى ايه ؟
المهم اتعمل جواب بفترات عملى والراحات ومدى انتظامى بالعمل وارسل اليه بمكتبه

سؤالى الأن لسيادته
هل معاليك بتفتش عن الجميع ولا عنى انا بس ؟؟
بصراحه انا زهقت من الوضع كله وعملت طلب انتداب علشان ارجع القاهرة ولكن الدكتور عربى اخد الطلب وقطعه
بالله عليكم ماذا افعل فى ذلك الوضع السيئ  ؟
انا مش عارف فى ايه بالظبط

انا والحمد لله اشتغلت فى الحسنه فترة 18 عام والجميع يشهد لى بحسن السير والسلوك
ولكنى الأن زهقت ، زهقت من كل شيئ
كل شوية اتنقل مكان وبدون اى اسباب ولا تحقيقات
طيب حد يفهمنى فى ايه بالظبط ؟

اتمنى من السيدة الدكتورة / هاله زايد، وزير الصحة اتخاذ اللازم

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock