مقالات

لو حضرتك مثقف وداخل ع الفيس بوك ” عاوزه اقولك كام خبر كده علشان متتصدمش “

بقـــلم … امــــل اللقـــــانى

 

                                بص بقـــا 

__ هيلارى كلينتون ملهاش كتاب عن مصر . 
__ وباراك اوباما مخطبش خطاب الوداع ومقالش ازاى دمرنا 
__ مفيش وزير اسرائيلى قال احنا اللى عملنا استار اكاديمى
__ مفيش كوبرى خرافى فى سندوب ( والنعمه بكلمكوا بصدق )
__ ولا فى ترام طاير فى اسكندريه ( صدقونى انا اصلا اسكندرانيه )
__ مفيش فرخه بتكتب لفظ الجلاله بالرز
__ ولا سمكه براس كلب ,, 
__ ولا قطه ولدت كلبين  …
__ ولا فى قطه قرأت الفاتحه خااااالص ( والنبى احنا متعلمين بلاش حد يقول علينا كلام مش حلو بالله عليكو )
__ الراجل اللى رسم كاريكاتير مسيئ للنبى لسا متحرقش ( ان شاء الله هيتحرق بس قولوا يارب )
__ محدش صور عمامة النبى ولا عبايته ولا مقامه من جوه ( وربنا ما حصل )
__ العذراء مريم مظهرتش فى سماء امبابه ( وحياة الحاج ما حصل )
__ والراجل اللى عمل الفيديو وقال انه متصور مع النبى وطلع صورته ” والله كداب “
__ محدش صور مركب رشيد وهى بتغرق ___ معلش بقا مهو مكانش حد عارف انها هتغرق يعنى ومستنى يصورها .

__ لو كتبت من واحد لمليون فستان الرقاصه مش هيقع
__ الفيس بوك مش هيقولك مين زار بروفايلك ومش هيعرف مين اكتر واحد بيحبك

                             ولمصلحتك ادام اولادك او احفادك

لما تشوف صوره حلوه او غريبه وتعجبك قول سبحان الله فى سرك ___ مش  لازم تنشرها او تكتبها
مش لازم اللهم دمر هاتف من لايكتب الله اكبر ( لأن الله اعلى واكبر ) مش مستنى من حضرتك تدعى على حد علشان يكبر له
ولو طنشت ومبعتش الرساله مش هتبقى كافر ولا هتصيبك اللعنه ( صدقنى والله )

طبعا اللى اقصده بكلامى ده هو اننا لازم نرتقي بانفسنا ومنسيبش نفسنا للتفاهات اللى بقت منتشره بكثره على جميع مواقع التواصل الاجتماعى وخصوصا الفيس بوك
ومن وجهة نظرى الشخصيه ان المواقع دى سلاح ذو حدين ولازم نحسن استخدامها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock