شعر شعبىمقالاتمناسبات

حوار ساخر لممدوح السباعى

فى حوار ساخر من المربى الفاضل والشاعر العظيم
ونقلا عنه كانت تلك هى رسالته للاداره التعليميه
الشاعر ممدوح السباعي
مدير إدارة البلينا التعليمية
عام دراسي مبروك علي كل أهالي البلينا
في ( أنا وهو )
حوار ساخر لممدوح السباعي
أنا – صبحنا يا سيادة المدير
هو – صباح الخير يا ابوسباعي
وكل عام وأنت بخير بمناسبة بدء العام الدراسي الجديد
وربنا يجعله عام دراسي مبروك علي كل أهالي البلينا
أنا – حاسب يا سيادة المدير
حاسب يا ولد خالي
المفروض تقول
عام دراسي ” مبارك ” وليس عام دراسي مبروك
هو – ههههههههههههه
أنا عارف بس أمشي مع المفروض واتحبس يعني ؟
يا ابوسباعي إنت راجل فاهم
وبعدين اذا كانوا شالوا اسم مبارك من علي محطة المترو
عايزني أنا الغلبان أجيب سيرته ؟
أنا – ههههههههههههه حويط إنت يا مدير
طيب يا غالي خلينا في المهم
العام الدراسي بدء النهاردة
وأنا علشان إنت حبيبي عايز اقولك علي شوية حاجات كدا يعني واحنا ستر وغطي علي بعض
هو – اتفضل إنت تؤمر
أنا – عندنا مدارس فيها عجز مدرسين وعندنا مدارس فيها مدرسين زيادة يا ريت نوزع المدرسين علي مدارسنا بالعدل علشان ما ينفعش الظلم وربنا ما يرضاش بالظلم
وعندنا بعض مديرين المدارس ما ينفعوش مديرين مراجيح مولد النبي لأنهم ببساطة تم اختيارهم بشكل خطأ وانت سيد العارفين إن الإدارة فن مش قعدة علي الكرسي وخلاص
وعندنا بعض المدرسين يا استاذ عاصم والله لو أنا أملك القرار اشغلهم شغلانة تاني خالص
علشان لما مدرس ما بيعرفش يكتب صح للعيال يبقي إزاي ااتمنه علي ولادي يعلمهم
لما المدرس يضيع نص الحصة في شرب السجاير واللعب في الموبايل يبقي إزاي بنحلم يكون عندنا تطوير في المنظومة التعليمية
في ( خرابيط ) كتيرة يا استاذ عاصم في المدارس
وأمانة يا شيخ وأحب علي راسك توصي الموظفين اللي في الإدارة يشتغلوا بضمير شوية ويقضوا مصالح إخوانهم المدرسين لوجه الله
هو – طيب أنا أعمل إيه ؟
شارك معانا في الحل ما انت تبعنا بردوا
أنا – يا ريس لجان متابعة علي طول علي المدارس بس بشرط المتابع ما يروحش المدرسة يشرب
( راني مانجة ) من ابو سبعة جنيه ويكتب تقرير زي الفل
بشرط المتابع ما يروحش المدرسة يسأل المدير أو السكرتير
المطلوب إنه هو يلف في المدرسة براحته ويسجل ما رآه في تقريره
هو – يا ابوسباعي مدارسنا بخير اطمن
أنا – طيب أنا غلطان طالما انا جاي انصحك تقولي مدارسنا بخير
ما انا عايزها مدارسنا بخير
علي العموم انا قلت لك في نفسي علشان إنت عارف إن إنت حبيبي
وربنا يوفقك ويوفقنا جميعا إن شاء الله
ونصيحتي لكل معلم وكل معلمة
ولاد الناس أمانة في رقبتنا
زي ما عايزين الناس تعامل ولادنا معاملة طيبة لازم إحنا كمان نعامل ولاد الناس معاملة طيبة
وكل عام وأنتم بخير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock