محافظات

سما هاني ” موهبه تنبت من رحم المعاناه “

حوار .. امل اللقاني

بالرغم من الظروف الاستثنائيه التى تمر بها مدن شمال سيناء الان فى مكافحة الارهاب الاسود الا انه دائما ما تخرج الموهبه من رحم تلك المعاناه

حواري اليوم مع البنوته الجميله سما

🔴 اتعرف بإسمك ؟
🔵 سما هاني مصطفى
🔴 عندك كام سنه يا سما ؟
🔵 عندي ١٤ سنه طالبه بالصف الثالث الاعداي بمدرسة مصطفى يحي جاويش
🔴 سما انتي مصور فوتوغرافي صح؟
🔵 اه بحب التصوير جدا وشايفه اني ممكن اكون حاجه كويسه .
🔴 باذن الله حبيبتي
سما امتى اول مره صورتي فيها وشوفتي ان تصوريك حلو وعاجبك ؟
🔵 اول مره كانت من حوالي ٨ او ٩ شهور كنت بصور بالموبايل و عادي مش في بالي ان الصوره اللي صورتها تطلع بالروعه والجمال اللي شوفته وخصوصا انها كانت بالموبايل بعدها عجبتني الفكره وقررت اني اكمل في طريق التصوير .
🔴 في حد حاول يعلمك التصوير ؟
🔵 لا انا لوحدي اللي اقدمت ع التصوير وعلمت نفسي بنفسي
🔴 كانت اجتهادات ذاتيه يعني ؟
🔵 اه
🔴 سما محاولتيش تشتركي في مسابقات ؟
🔵 لا لسا مظهرتش مسابقات تخص المجال ده
🔴 ايه اكتر شيئ بيجذب عين سما ؟
🔵 هو مفيش حاجه محدده اي حاجه بشوفها وتعجبني بصورها وممكن تكون المناظر الطبيعية اكثر شيئ يشدني .
🔴 هل تواصلتي مع احد المصورين المتواجدين في العريش
🔵 لا متواصلتش مع حد .
🔴 عندما تتخذين لقطة ما هل يسبقها افكار معينه ؟
🔵 بصراحه لا ، بس ساعات بيص للشيئ اللي هصوره واشوف محوره واحاول اطلعه كما ينبغي .
🔴 من وجهة نظر سما ايه اللي بيميز المصور الناجح ؟
🔵 انه يصور بأقل امكانيات ويطلع حاجه فوق الروعة
ودي بتعتمد على نظرة المصور وفي العادي اني باخد الحاجه اللي بصورها كذا لقطه بكذا بعد وبعدها انتقي الأفضل منها .
🔴 اسلوب التصوير المتبع لدى سما هو ؟
🔵 الطبيعي اكتر وممكن اشخاص ولكن هتبقي بنسبه اقل
🔴 ما هي الصعوبات التي واجهت سما اثناء التصوير ؟
🔵 اي مجال اكيد هنلاقي فيه صعوباته يعني مثلا هحكي لحضرتك حكايه .. مره كنت واقفه مستنيه زميلتي علشان هنروح الدرس فشوفت ورده في جنينه جيرانهم وصورتها ، طلعت الست صاحبة البيت تزعقلي وشتمتني ، ف النجاح عامة يحتاج الكثير من الصبر والاراده والتحدي .
🔴 ماهي امنياتك في الفتره المقبله ؟
🔵 امنيتي اني اتعرف واكون مصوره مشهوره وان شاء الله افتح معرض اجمع فيه كل الصور اللي مصوراها .
🔴 ان شاء الله تحققي حلمك وتنولي ما تتمني
في النهايه اتمني لسما المزيد من التقدم وباذن الله تكوني احسن فوتوغرافر في مصر
🔵 يارب ان شاء الله
انا بشكر حضرتك على اهتمامك في محاوله اظهار مواهبنا في ظل الظروف التي تمر بها المحافظه
داعيين المولي ان يحفظ لنا مصرنا الحبيبة من كيد الكائدين

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock