تحقيقاتقضاياقضايامقالاتمناسبات

فوضى اعلانات شركات في شهر رمضان 

فوضى اعلانات شركات في شهر رمضان 
كتب // احمد سالم
فودافون جابت عمرو دياب يعمل اعلانهم بتاع رمضان واتصالات جايبه فان دام ومحمد رمضان يعملوا هما كمان اعلانها الرمضاني في المقابل اورنج جابت تامر حستي و نانسي عجرم علشان جيرانا في فودافون و اتصالات ميقولوش علينا اقل منهم والعين بالعين والسن بالسن والبادي أظلم …… طبعا الكام اسم دول واخدين لوحدهم فوق ال ١٥٠ مليون اجور علي الاقل يعني

ودي أجور المشخصاتية اللي بيعملوا إعلانات في مصر..

١- عمرو دياب ” مليون و ٣٠٠ الف دولار ” ما يعادل ٢٢ مليون جنيه مصرى
٢- ڤان دام ” ٧٥٠ الف دولار ” ما يعادل ١٢ مليون جنيه مصرى
٣- محمد رمضان ” ٧ مليون جنيه مصرى ”
٤- نانسى عجرم ” ٦ مليون جنيه مصرى ”
٥- تامر حسنى ” ٣ مليون و ٥٠٠ الف جنيه مصرى ”

دي أجور اعلانات في بلد الناس فيها بتموت من الجوع والمرض..

علي جانب آخر اعلانات بتطلب الدعم من أهل الخير لكفالة اسرة يتيمه و علاج اطفال السرطان و دفع ديون الغارمات والغارمين

لو البلد دي فيها خير كان حد وشوش في أذن اصحاب القرار في فودافون و اورنج و اتصالات و we و حديد المصريين وحديد عز و مجموعة طلعت مصطفي وغيرهم كتير وقالهم انتم ممكن تحققوا كل شيئ وتفوزوا بالدنيا والاخره لو وجهتوا المليارات اللي بتتصرف علي شوية اراجوزات وصرفتوها علي دعم عمليات القلب في مستشفي مجدي يعقوب في اسوان ومعهد القلب في امبابة و مستشفي سرطان الاطفال و معهد الكبد والاورام والسكر و بنيتوا في كل محافظه كل سنه مدرسة ….
كنتم ببساطه تقدروا تعملوا اعلانتكم داخل اروقه الاماكن دي اللي بيزورها سنويا مئات الالوف من البشر …. وشوفوا لما يتكتب علي وحده غسيل كلوي ولا عنبر تم تجديده في مستشفي ولا جدران مدرسه تمت بتبرع شركه كذا هدية للشعب المصري عرفانا منا بدوره في نجاح شركتنا ودعمه الدائم لنا ……. و شوفوا ساعتها الناس هتدعيلكم قد ايه و هتعملكم الدعايا اللي انتم عايزنها واكتر لان الرساله هتوصل للناس بجد …..الله كريم 

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock