اخبارشعر شعبىفنون

ليه ياقلبي ما تسأليش 

ليه ياقلبي ما تسأليش 
بقلم مصطفى عبدالحميد
ما تسأليش مره ثانيه
وتقوليلي روحت فين؟
إنتي صورة عشقتها. 
جوه قلبي والعينين
إنتي كلمة رسمتها
وسكنتها بين شفتين
أنام عليها وأصحي بيها
واسأل عليها إنتي فين
إنتي بسمة وإنتي فرحة
لما اشوفها أقول يا عين
ويزيد أنيني واشتياقي
وأقول لروحي كنتي فين
إنتي ساكنة جوه قلبي.
زي القمر ويا النجوم
ما شوفتهم لحظة واحده
فارقوا بعض في أي يوم
ليه تسألي وليه تغضبي.
وتزودي ليه الهموم
إنتي عشرة عمر دايما
مرت علينا كتير سنين
عشنا فيها كتير سعادة
وعشنا فيها كتير أنين
ليه تظهري زي برق
وتختفي بسرعة ليه
وتزودي شوقي وحنيني
وتحرقي قلبي ليه
بذمتك نفسي أسألك
وتقوليلي نفسك في إيه
إنتي عارفه ونا عارف
يبقي ليه بنخبي ليه
نفسك قلوب تحضن بعضها
والشفايف تنضم ليه
يالله سوي نعلن حبنا.
وللعالم كله نقول عليه
قلبي الحنين عمره ما يغدر
طعم الحنان هاتحسي بيه
فما تسأليش وما تخافيش
من غدر الزمان يوم يجيه
ليه يا قلبي ماتسأليش ما تخافيش
من غدر الزمان يوم يجيه

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock