اخبارصحهمقالات

الوقاية خير من العلاج

الوقاية خير من العلاج

كتبالمهندس  احمد الغمري

في الوقت الذي بدأت حملة ١٠٠ مليون صحة تجوب كل المحافظات للكشف المبكر عن سرطان الثدي نجد الدكتورة إسراء تكتب علي صفحتها الشخصية في موقع التواصل الاجتماعي هذه القصة
من يومين جاتلي بنت عندها 27 سنة وحست بـ كلكوعة في الثدي .. وأنا بفحصها مكنتش مبسوطة ، كانت الكلكيعة مُقلقة شوية ومتشعبة ، طبعا كان في نسبة شك عالية انها تكون بؤرة سرطانية ، المهم وهي قاعدة في العيادة قالتلي ان معدتها تعباها عشان بتاخد مسكنات كتير ، سألتها بتاخدي ليه مسكنات كتير ؟؟

قالتلي عشان ضهري بيوجعني جدا بقاله شهر طبعا انا شكيت أكتر ، بعتها تعمل الفحوصات اللازمة طلع عندها ورم سرطاني بالثدي من المرحلة الرابعة ومنتشر في الجسم كله بما فيه الفقرات بتاعت الظهر اللي هي مسببالها وجع الضهر ، طبعا مأساة لان نسب الشفاء بالنسبة لها منعدمة تقريبا ، واللي يزعلك أكتر انها زوجة حديثة وعندها طفلين زي الورد ، طبعا هي محدش قالها قبل كدة انها لازم تفحص نفسها شهريا ، وانها لازم تحسس منطقة الثدي كل شهر ابتداء من سن البلوغ ، طبعا لو كانت عملت كدة كان ممكن نكتشف الورم ده من سنة وكان زمانها عملت عملية صغيرة خالص شيلنا الورم وكمان حافظنا على الثدي بالكامل ، طبعا التوعية والثقافة ديه مهمة جدا ، أنا وجدت انه من واجبي اعمل التوعية ديه في حدود امكانياتي ، يمكن أقدر أنقذ روح انسان ، لازم اي ست او بنت يشوفوا البوست ده ، امك واختك ومراتك يمكن فعلا تشارك في انقاذ روح

لو شاكه في الأعراض ان ممكن يكوون عندك لقدر الله متستنيش ومن غير كلام اعملى تحليل دم واطمنى علي نفسك ،صحتك بالدنيا محدش هينفعك
حملة الرئيس مجانية في كل الأماكن

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock