اخبارتحقيقاتخبر عاجلخبر عاجلقضاياقضايامحافظاتمقالاتمقالاتمناسباتوقضايا

آخر محاولة عشان خاطر مراته وولاده ، المهندس المصري المحكوم عليه بالإعدام في السعودية.

آخر محاولة عشان خاطر مراته وولاده ، المهندس المصري المحكوم عليه بالإعدام في السعودية.

كتب /سالم احمد

الاسم علي أبو القاسم عبد الوارث مصطفى، 35 سنة، متزوج ولديه طفلان.
مهندس مدني شغال هناك من 13 سنة وشريك في شركة مقاولات
طلب منه أخوه في مصر إدخال ماكينة تسمى هراس لأراضي المملكة تستخدم في أعمال المقاولات.

أخوه أصلا صاحب شركة شحن في مصر وفي عملاء عنده هم اللي طلبوا شحن المُعدة للسعودية وعشان يتم الشحن لازم إسم شركة مقاولات هناك الشحنة تروح عليها فالأخ إتصل بأخوه واتفق معاه والأخ طبعا مش مدي خوانه فراح كلم كفيله السعودي صاحب شركة المقاولات فوافق لأن تاريخ علي معاه زي الفل طول 13 سنة.

الشحنة بقى أصلا كانت رايحة لرجل أعمال سعودي هو اللي كان هيستلمها من علي لكن للأسف في الميناء السعودي تم فحص الشحنة ولقوا 880 ألف حباية مخدرة مستخبية بطريقة فنية عظيمة جدا .

الشحنة رايحه بإسم علي أبو القاسم فعلي لبس الموضوع واتخبط حكم بالإعدام.

التحقيقات في مصر أثبتت براءة علي والسلطات المصرية بعتت للسلطات السعودية الورق اللي يفيد براءة علي لكن المحكمة في السعودية رفضت الإعتداد بالورق المرسل من مصر بحجة إن أي ورق سهل يتضرب في مصر ودي كارثة تانية كمان المحكمة في السعودية رفضت طلب النقض.
رجل الأعمال السعودي المالك الحقيقي للشحنة واللي الشحنة أصلا رايحاله لم يتم حتى استجوابه.

المسؤوليين الحقيقين عن الشحنة وتجهيزها في مصر مقبوض عليهم ومحبوسين ومعترفين على إسم رجل الأعمال السعودي المالك الحقيقي للشحنة ده غير إنهم من رفح وسبق إتهامهم في قضايا إرهاب ومخدرات والحمد لله اتمسكوا أخيراً.

علي مظلوم والحكم عليه بالإعدام ظلم
لأن لو علي يعرف اللي في الشحنة مستحيل كان وافق إنها تبقى بإسمه أو يوافق أصلا على الموضوع من أساسه محدش هيودي نفسه في داهية بالسذاجة دي ويدخل شحنة حبوب مخدرة بإسمه عيني عينك.

احنا قدام قضية واضحة المعالم ناس حاولت تهريب شحنة حبوب مخدرة عن طريق شركة شحن وأسماء ناس غيرهم عشان لو الشحنة اتمسكت يبقى ملهمش دعوة.

كل المطلوب هو إستجابة السلطات السعودية لإعادة محاكمة علي أبو القاسم وفقا لما وصلت إليه التحقيقات في مصر والإعتداد بالأوراق الرسمية المصرية الصادرة من إدارة مكافحة المخدرات والموثقة بوزارة الخارجية وتفعيل إتفاقية التعاون الأمني المبرمة بين مصر والسعودية.

كافة للسلطات المصرية أثبتت براءة المهندس علي وفاضل الجانب السعودي يوقف حكم الاعدام

نهايةً لا نملك إلا الدعاء لكل مظلوم أن تظهر برائته.. رجاءاً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock