اخبارثقافةشعر شعبىفنونقصه وعبره

حوال

حوال
…………….
أحوال حبيبي بتتغير
وتتبدل في كل يومين
في يوم يصبح يناديني
ويقلق لو ما يلاقيني
ويضحك لما بيشوفني
ويوم تلقيه بيتخانق
مع الدنيا ومع الأيام
يقولي زهقت ع الأخر
خلاص مش قادر أستحمل
ونتكلم ويتلملم ويهدي كمان
تحسه تشوفه بالألوان
بيتكلم كما العصفور
ويتمشي كمالغزلان
تحسه ف كلمه موزونه ومجنونه
ومش عارف اقوله ايه
في كل يوم بصورها متين صوره
وبتصور معاها كمان
في كل يوم بنتقابل ونتغازل
نحب في بعض ونهزر ونتخانق
ونتعاتب ونضحك بالصوت العالي
ونرجع تاني نتصور في حلم جديد
بنلعب فيه وندلع
ونقلبها خناقه كبيره
تحس الدنيا هتولع
ولحظه الدنيا بتهدي
يزيد ودي وهي تحن
ونتصالح دا صلح عيال
لأننا لا بنتخاصم
ولا بنقدر في يوم ع البعد
وأنا وياها بنتمشي كتير في الحلم
بنخطط لمستقبلنا ولدنيانا لو في العلم
بنشبك إدينا ساعات
ونتعافي على الدنيا
نغيرها نبدلها نخليها
كل ساعه في حال
ولما تقولي دا حبيبك
أقولك بس له أحوال
هقولك إن له أحوال
………………………..
٢٠٢٠/١/٦
أحمد الكومي

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock