مقالات

▪ليل الغربة

أخبار تحيا مصر // خلف الله العيساوي

• أنا كل ما أقول هاتوسع تيجي وتنسد
• يارب ياتديها ياتأخدها وما تحوجهاش لحد
• عيوني من البكا دابت وقلبي من المرض أنهد
• سهران في ليل الغربه ما لاقي جنبي حد
• أبكي وأصرخ وأنده وما سامع لي رد
• وأشكي ومين يسمع غريب مالهوش حد

  

• ليل الغربه ياحبيبي ما بيرحمشي
• واللي باله مشغول طول الليل ما بينامشي
• واللي يحب طول عمره ما بيكرهشي
• واللي يهوي غير كلام حبيبه ما بيسمعشي
• زمن غريب لكن الأغرب منه أن الحلو ما بيكملشي
• وساعة الحظ إن ضاعت ما بتتعوضشي

  

• يا ليل الغربه بعد فراق الحبايب أيه هيفيد
• حياتي كلها هموم والأحزان دائما بتزيد
• قلبي حيران وتايه وفكري دائما شريد
• خاصمت النوم والزاد والنار جوه مني بتقيد
• يا ليل الغربه يا قاسي يا عنيد
• أنا نفسي أشوف حبايبي وناسي ولو من بعيد
• قول لهم يا ليل من يوم غيابهم ما شفت يوم عيد
• وحلفهم يا ليل يبعثوا لي نظره منهم ولو بالبريد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock