مناسبات

طلوع الشمس


شعر أحمدالكومي

طلوع الشمس
………………..
ساعة طلوع الشمس
من كل قلب سكون
بيكون ميلاد الكون
بيكون ميلاد الحياه
بكل أوجاعها
بتلف توب الحزن
تطويه في صوره قماش
وتدفنه في العمق
أول ما تفرد جناح
بين السما والأرض
يصرخ شعاع بينور
بالطول كمان والعرض
وتدفي كل الناس
إللي قلوبهم ماس
بيشربوا خمرها
بالروعة و الإحساس
بسيف العدل دايما
تقتل ظلام ممدود
والليل بيهرب والنجوم
بتستخبي والقمر
بينام علي خددوها
وبيرضع النور منها
يكبر ويضحك كتير
ويونس العشاق
يسهر معاهم ويحكي
عن الغرام أشواق
أول ما تلمس قلوبنا
تضحك يجلجل ضحكتها
تدوس على الأحزان
تموت الأهات تعزف نغم ناعم
علي وتر الكمان
تسمعها كل الأماكن
يسمعها كل الكون
تكشف ظلام الأمس
تفرد درعها وتاخدني
في حضنها الدافي
في حضنها ديما بحس
إني بقالي كتير سنين
محروم من لمسة الحنان
مع إني كنت ف حضنها إمبارح
دفيان وواخد من شعاعها تاج
ساعة طلوعها بره بوابة السما
بقابلها من بدري
بعمل معاها إتفاق
كل ما تروح بتوعدني
برجوعها كل صباح
وانا كل يوم استني
واخدها بالأحضان
أطبطب علي كتفها
تهدي كمان وتنام
أبوسها من خدها
وهي في الاحلام
ولما تصحي تروح
أنا برضوا هستني
ساعة طلوع الشمس


 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock