ثقافة

الكاتبة اسما جمال رواية هالات كيرليان تبحر فى العوالم الخفية للكون

أخبار تحيا مصر // محمد محسن

اثارت رواية هالات كيرليان للروائية الشابة اسما جمال اعجاب جمهور معرض الكتاب حيث تبحر فى عوالم الغيبيات الموازية فى الكون باثارة شديدة على الرغم من انها ليست الاولى للكاتبة حيث قامت بتاليف العديد من الروايات والقصص القصيرة ومنها لعله خير ورواية لاتيوم ورواية شفا جرف هار لذا كان لنا معها هذا الحوار

ايه هى اهم محاور رواية هالات كيرليان؟

محاور هالات كيرليان
هالات كيرليان مجموعة قصصية فيها اربع قصص طويلة (نوفيلا) ، مهتمية أتكلم من خلالها عن الغيبيات بمنظور مختلف ، بمعنى أننا عايشين مع عوالم موازية مش شرط إطلاقًا يكونوا جان ، ممكن تكون مخلوقات تانية تملك من الحواس اللى تخليها متفوقه عنا في بعض النقاط الحدسية
وده موضوع قصة الثانية بعد منتصف الليل وقصة العقرب ، أما القصة الثالثة وهى الثورة أنثي بتتكلم عن الاسقاط النجمى بشكل مبسط من خلال رحلة روح من مصر لدولة إيران ، القصة الرابعة (هالات كيرليان ) ودى بتتكلم عن هالات الطاقة المحيطة بجسم الانسان وازاى بتإثر في نوعية الناس اللى بتنجذب ليك

كلمينا عن روايتك العد العكسى؟

رواية العد العكسى
رواية بتتكلم عن علاقة كل إنسان فينا بربنا ، في جزء جوانا مهما اختلفنا بيدور على ربنا وبيفضل في صراع هو أنا كده بقرب ولا ببعد عن الطريق الصح اللى ربنا عايزنى فيه بمعنى انا هنا في العالم ده دورى ايه
وده بيحصل من خلال لبنى وصديقتها ريم الصوفية وجاكوب اليهودى اللي بيبحث عن نفسه في الاديان السماوية

ايه رايك فى ظاهرة البيست سيلر الخاصة بالروايات والقصص وهل ديه ظاهرة صحية وله ممكن تضيع اعمال ليها محتوى جيدا مقابل اعمال اصحابها تجيد التسويق والعلاقات ؟

بالنسبة لظاهرة للبيست سيلر للاسف الموضوع اصبح تحكمه الميديا والعلاقات بشكل كبير جدًا وانه مش مقياس لجودة العمل وفي ناس كتير بتكتب روايات عظيمة جدًا ومش معروفه لمجرد أن كفة الميديا والعلاقات مش في صالحهم

من افضل روائى فى مصر حاليا ؟

بالنسبة لافضل روائي فدى وجهات نظر وحسب نوع الادب اللى بيحب يقراه كل شخص فينا لكن انا عن نفسي بنبهر باستاذنا أشرف الخمايسي

هل المراة كاديبة اثبتت حضورها ولا لسه المجتمع مش متقبل الفكرة ؟

نسبة للمرأة كأديبة فهى حصلت على كل حقوقها لكن للاسف هى اللى حبست نفسها في إطار معين ، كأن الانثي هى جوهر الكتابة مش العمل الادبي نفسه أو أفكاره وقيمه وبيكرروا نفسهم وللاسف بيكرروا بعض

ايه تقييمك للقائمة النهائية لجائزة البوكر العربية ووصول رواية يوسف زيدان فردقان لها ؟

بالنسبة لجايزة البوكر فده رأي لجنة تحكيم الجايزة لكن قلم يوسف زيدان اتفقنا معه او أختلفنا لا غبار علي عبقريته في الكتابة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock