شعر عامية

التاريخ


التاريخ

شعرأحمدالكومي
التاريخ لاء مش هينسي
إبن كافح لإنتصارك
هو طيار هو قائد
أيوه كان إسمه مبارك
هو حارب هو عدي فوق قنالك
إبنك البطل الشجاع
أيوه عدي وخد بتارك
أيوه تار إبنك وبنتك
أيوه يابهيه ده تارك
مش هننسي الإحتلال
مش هننسي إسرائيل
ف أرض سينا أيوه أرضك
يعني عرض كل مصري
يعني عرضك صانه إبنك
هو حافظ ع السلام
هو كان بطل المعارك
يعني كان بطل الحروب
ولما جه دوره وأصبحلك رئيس
بردو شال المسؤليه سنين كتير
قام بدوره لأنه فارس حته منك
أيوه كان فارس في عصره
من نزهته كل مره كان بيخرج
كنت بتحسه في وسط الناس عريس
والخطأ كان منه وارد
أو من الحاشيه سواء
في النهايه بشر ويغلط
هو مش م الأنبياء
يعني مش معصوم من الأخطاء نهائي
زينا بنغلط كتير ورب الكون يسامح
ولما جات العفره قامت قالوا ثوره
قالوا عنها ربيع وعربي وللاسف
هو كان تخريب عروبه وإتكشف
بس فيه خونه علي الأمواج بتركب
وبيمسحوا التاريخ كمان ينسوا اصولهم
المهم إن البطل قدم تنحي
وقال عشان الدم احافظ البلاد
أعلن الچنيرال في لحظه إنه سلم
كل سلطة الرئاسه لدرع حامي
يعني قواتنا العظيمة اللي وقفت
هدت الأوضاع وعدت بالسلامه
اما إبن تراب بلدنا نفس الوقت قرر
لما كل الدنيا عزمت تستضيفه
قال وربي عمري ما اخرج بره أرضك
الف شكر لإحترامك للتراب
الف شكر وبالدعاء لله تعالي
يرحمك وف جنته يستقبلك
ومع السلامه ربنا عنده العوض

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock