شعر عامية

إوعاكي يامه

إوعاكي يامه
……………………….

شعرأحمدالكومي


إوعاكي يامه
لما أغيب عنك يومين
إوعي يامه متدعليش
وإنتي بتصلي وتدعي
إدعي يامه وجولى أمين
لربك إدعي كتير ياأمي
علشان ينجيني ويحميني
قولي ربنا يهديك يا ولدي
ويرزجك رزج بحلال
ويعترك في ولاد حلال
ويبعدك عن الحرام
ويخلي دايما طريجك
سالك وفيه الخير كتير
ولما بعدي يطول ياأمي
إوعاكي تجولي دا جاسي
ولا كال عيش البلدي وملحها
ناكر الجميل وكأنه وناسي
ولا غادر م البلدي راح وطول
أو نسيها من دماغه وجلبه جاحد
ولا مركبة السفر تاهت ومش رافع شراعها
حتي المراكبي كمان ناسي المراسي
لو جلولك عن جاحد مش حنين
إوعي يامه تصدجيهم
صدجي جلبك لوحده
اللي كان بيضمني ساعة ما ببكي
إللي لما يشوفني حتي ف المشاكل
كنتي تدعي لي و تجولي يهديك ياولدي
فاكره يامه لما كان شيطاني شاطر
ليل نهار كان تملي فيه شابط
وامشي أتنطط وأجر مع الخلايج
فاكره كنت اعمل مشاكل م الهوي
في كل ساعه مشكله وساعه كتير
مره بضرب إبن جارنا يروح يعيط
بعدها أحضر فرحهم في الظيطه أظيط
مش هممني حد خالص
وأجري الف الدنيا وارجع
بس كله من دعاكي
بركه كله بجلب صافي
عارفه يامه الناس ف كل مكان بروحه
بفرح كتير لما يجلولي امك اميره وطيبه
وتملي تدعيلك
بس تعرفي والله يامه بيكي أنا مسنود
خلفت العيال وجلت اللي ربتني تربيهم
عارف تعبهم وشجاوتهم وعارف إنك
أحن مني عليهم وأحسن مني تراعيهم
وزي ما بتدعيلي بالستر والصحه دايمن بتدعيلهم
اوعي يامه متدعپليش
أوعي يامه متدعيليس
………………………..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock