ثقافة

بنت الحته ( 134)

بقلم .. صبري رسلان

وبقاللي يومين
وأنا على بابك …
أسهر وتنام مرتاح بالك
ولا قلبك حس ..
أفرش وأقعد لك في الحته
وأصحى لك قبل الساعه 6
بس إنت تبص ..
لا محوق فيك حارس بابك
طب نظره تعشم أحبابك
ريحنا وريح كده بالك
لو إمضاء بوصل …
يرضيك أمشي لك في الحته
رايح كده جاااااي …
عيني على فتحه شباكك
وشاغلني إزاي …
أنا قولت أوريه القوه
واطلع وأغامر له هوووو
ويشوفني شجاع عترة فتوة
وفى قلبي إتحط ..
ما دريتشي إزاي أغمى عليا
وأتشال وأتحط …
مكسور السلم ما لحقيتش
نمت أنا في الخط ..
وبقاللي على الحال ده مربط
أصرخ وأزعق وأخبط
ولا قلبك رد …
على حبك برضه أنا ناوي
وتكون عكازي اللي يداوي
بري انا و الشط ..
جه زارني إتكلم بعيونه
خد مني القلب إبتسموله
وصعبت عليه همسي قالوله
صورتي أنا في عينيه
من اول نظره الشوق خدني
وأنا ملك أيديه …
مكتوبه حروفي على بابك
ما بتقراش ليه ..
شوف حالي إزاي شاش ومربط
ما تحن عليه …

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock