شعر عامية

مش دا المطر

مش دا المطر؟!
شعر أحمدالكومي….

كنا زمان
نستني حبات المطر
تفرش ف أرض الكون ربيع
خضره وزهور بلون بديع
أصبحنا بنخاف منها
ونقول خطر
مش دا المطر؟!

كنا بندعي للكريم
و نصلي ونقول يا رحيم
نرفع إيدينا نقول أمين
علشان ننول منه الرضا
وبالرضا ينزل مطر
مش دا المطر؟!

إللي كانت ليه صلاه
بنيه خالصه والدعاء
علشان يبارك أرض بور
تصبح خضار فيها الثمار
وجنبها ينبت عمار
والدنيا تبقي مزهزه
مش دا المطر؟!

اللي كنا فيه بنلعب
نقع ونتزحلق ف عز المطر
نرجع برضوا نلعب
لما كل هدومنا تغرق
برد ناخد كحه تيجي
أو نعطس مش بنسكت
يعني محدش م الدكاتره
قال دا فيرس أو كورونا
فيه سخونه
أو هنعمل حجر صحي
أو نبطل المدارس
ولا حتي الناس تبطل شغلها
تاخد أجازه
ولا كل جيرانا خافوا من المرض
او بطلوا ييجوا يزورونا
والأمان كان سر باتع
كان معشش ف القلوب
غيرتهم الظروف
والقلوب مليانه خوف
ومعدش أرض الحب محتاجه لمطر
مش دا المطر

الأرض غضبت م المطر
ولما ينزل ترفضه
بطلت تستقبله
بتخاف يبلل صدرها
يملاها رعب من اللي جاي كأنها
إصفرت الروح اللي فينا
كأننا صبنا العطب
مش هو دا برضوا المطر؟!
………….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock