قصائد

اعلان عشق

أخبار تحيا مصر // أشرف عبد العزيز

وبعلن ف عشقي ممانعه لوِدِّي
ولكن بورث رجولة لولدي
بورثله حبي وعشقي ووردي
ويمكن تعدي السنين ونلاقيها
بنفس الملامح ونفس الجبين
ونفس السمار اللي خاطف قلوبنا
ونفس العينين م الهوى سهرانين
يفتح عبيري ويملا جنايني
ورود عمر عدى بنفس الحنين
وتلقى الشموس تاني ضي القلوب
تنور طريق جوه عتمة دروب
وتعلن سلامها في كل الحروب
على قلب عشقه ف هواها عينيها
بنحلم نحرر قلوبنا لثواني
ونلقى سبيل الأمل والأماني
فبسهر وبكتب في شعر وأغاني
عسانا ندوق الهوى من ايديها
ويمكن يدق القليب مرة تاني
ويمكن تفتح ورود فرح بيها
ويمكن تعلي ف شأني وكياني
ويمكن نصيبها يكون حد تاني

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock