مناسبات

راجع لحضن امي

راجع لك ام الدنيا احضنيني

متابعة / علي الهواري

كتب :عصام الروميسي

راجع لحضنك ام الدنيا
للأسف أشعر  بحزن وألم  شديد  لما قرأته من هجوم غريب من ناس يفترض  انهم على قدر عالي من الفكر والثقافة.

عندما قررت الدولة اليوم  تحميل تكلفة الحجر الصحي عن المغتربين العائدين من الخارج  على حساب صندوق تحيا مصر .

خرجت بعض الأصوات تعترض  وتتكلم  عن المغتربين بأسلوب أقل ما يقال عنه انه متدني  غير مسؤل  يحمل انتقاص من حق أي انسان مغترب،

معترضين  على ان الدولة تتكفل بمصاريف الحجر الصحي للمغتربين  بحجة انهم أغنياء ومعاهم فلوس

وان عمال اليومية ف مصر أولى بهذه الفلوس .. انا لست  اقلل من حاجة عمال اليومية ولا اضعهم في  مقارنة مع المغتربين حاشى وكلا

هذا لانهم مواطنين مصريون ايضآ  لهم كل الحق ولا يصح  اخد  حق المغترب  لعامل اليومية ولا ينفع اخد حق عامل اليومية  للمغترب، حق الاتنين واجب على الدولة وحق الدولة واجب على الاثنين .

بالبلد :

ليس كل المغتربين مليونيرات، اللي انتو ماتعرفوهوش دلوقتي ان زمن شوالات الفلوس بتاعة مغتربين التمانينات والتسعينات خلصت، 90 ف المية من المغتربين دلوقتي عايش عشان يكفي احتياجات بيته وأسرته فقط ولو عرف يشتريله شقة بعد خمس عشر سنين غربة يبقى كتر خيره وبيقول الحمدلله جبت الديب من ديله، فيه مغتربين كتير جدا شغالين عمال بلاط وكهربا وسباكة ونجارة وساكنين خمسة وستة ف اوضة لكن بيقولوا الحمدلله عارفين نصرف على نفسنا وعيالنا

رغم كل هذا  المصريين في الخارج لم يقصروا  في حق الدولة المصرية، اذا كنا هنبص لايرادات الحكومة من العملة الصعبة فهنلاقي تحويلات المغتربين ف السنة اللي فاتت 27 مليار دولار في حين ان قناة السويس ف نفس السنة 6 مليار فقط والسياحة 13 مليار والاستثمار الاجنبي المباشر 9 مليار، يعني المغتربين بيجيبوا للبلد قد مجموع ايرادات السياحة وقناة السويس والاستثمار الاجنبي كلهم على بعض، المغتربين شايلين البلد وكل واحد فيهم وهو بره بيصرف على اسرتين تلاتة، ومش بيكلف الدولة جنيه واحد يعني من ابسط ابسط حقوقه انه يتعامل معاملة آدمية لما ينزل ف وقت وباء زي ده

المغترب غلبان زيه زيك وطالع عين اهله زيك وزايد عليهم انه لوحده لا بيشوف اب ولا ام ولا حد يقوله كلمة حلوة ف ماتبقوش انتو والايام عليه

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock