شعر عامية

عيد الفطر

عيد الفطر
————————

شعر أحمدالكومي

عيد الفطر السنه دي مسجون
بدون زنزانه ولا قضبان
ولا سجان من المخليق
دي أول مره في الدنيا
بنشوفك يا عيد مسجون
وقبليك أبوصيام رمضان
وقبليهم صلاة الجمعه
وصلاة الجماعه كمان
ألا صلوا في بيوتكم
ألا صلوا في رحالكم
وصلاة الجنازه معاهم
خلاص مبقتش ف المسجد
من البداية سنه طويله
تعدها ف الزمن بسنين
قالوا جديده قالوا سعيده
وطلعت م العجاف السبع
ألفين وعشرين تاريخها
ملمحها مطوله شويه
وغامقه اللون على الأخر
سيول وتلج وعواصف
وحر وبرد متلخبط
فصولها مضروبه ف خلاط
وفيها كورونا جاى لعنه
كلامنا للي يسمعنا
ويعرف للكلام معني
فيروس كورونا اللعين
سجن الحياه في القفص
ومش باينله بيبان
سجن الكلام ع اللسان
سجن المساجد كلها
سجن الأديره و الكنايس
سجن الحرم بالأمر
وإتحرمت منه حجاجه
وسجن الفقير والغني
الكل في داره
وأدي عيد الفطر
من غير تهمه بقي مسجون
بسبب كورونا اللعين
ومن بداية الكلام
قولنا الحكايه علام
إلزامي نعرف ونفهم
إحنا رايحين فين
الحذر ممدود مد
أصل الحكايه بجد
لازم نبطل هرج
ونقعد ياناس في البيت
ولو هنتساهل
يبقي اللي يجري لينا
إحنا اللي نستاهل
مش بس رمضان سجين
ولاعيد يكون ميت
يستاهل الموت صحيح
كل اللي مهوش فاهم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock