مناسبات

الكومي .. يتحدي كورونا

الكومي .. يتحدي الكورونا
أحمد الكومي
هي كورونا بنت المجنونه
روشت خلق ماهيش موزونه
الموضوع مش صعب ياناس
محتاج وعي وفهم أساس
لزم نفهم صح شويه
ولا عقولنا عليها ملوخيا
هنحارب بالوعي هنقدر
ونواجه والضامن الله
ياكورونا يابنت المجنونه
انا مش فارق عندي تكون
فيرس مؤذي أو مكرونه
إنت صحيح هزيت الكون
وأنا بتفرج من البلكونه
هو أنت عفريت العلبه
وبتعمل حركات مجنونه
ولا أنت من السحر الأسود
أفعاله بشيطان معموله
جبت الرعب لكل الدنيا
ومن الجهل الناس خنقونا
التدخين في القطر مصيبة
ومفيش حد متابع خالص
كانوا بيقولوا فيها محاضر
والناس تضحك وتقول حاضر
والمترو التنبيه شغال
كل محطة ليل ونهار
والركاب نصها متكمم
والنص التاني بيكبر
ولا فيش حد متابع برضوا
الأزمه بتكبر من الإهمال
مطلوب السيطرة وبشدة
علشان نخلص من دي الهده
لازم نفهم أوي ونتابع
ونحذر كل اللي يخالف
ونشد علي إيده ونعاقب
أصل الإهمال مش مطلوب
فيه أرواح هتروح مقلوبه
والعدوة مشعلله زي النار
واخده فى وشها مش بتخلي
كل المهمل والمستهبل
مؤذي لنفسه مؤذي لأهله
فوقوا ياخلق إصحوا دي كورونا
صح خطيرة بنت المجنونه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock